WEEK13 MONDAY

雖然好唔想，不過時間真係唔等人，終於都到左WEEK13既第一日。

今日上AAP，身邊既同學全部都係一齊經歷大學生活既人。無論識唔識，講唔講得出個名，都唔重要。重要既係，我知道大家同我一齊上過堂，一齊用城大會計學生既身份生活過。

入城大讀書然後遇到大家，係我以前無辦法想像到既事。但係呢３年，我真係過得好開心。一齊通頂溫書，睇戲，慶祝生日，去旅行，不知不覺之間就充滿左大家一齊生活成長既回憶。無論未來我係邊或者變成點，呢d點點滴滴都係我人生珍貴既寶物。

真係好希望大家可以順順利利畢業，開開心心咁過埋最後一個暑假。