生活流水帳
1. 今個學期，唔知點解好熱衷於鋤大ｄｅｅ，日日一有時間就要“ｄｉｇ ｂｉｇ２”，由ｆｏｒｍ ｐｅｒｉｏｄ到轉堂到空堂，由一副撲克到依家既三副，由開頭既４個人到依家ｊｏｉｎ埋隔離班，勁到呀。所以話呢撲克係幾咁厲害呀，簡直可以將二班既距離拉近呀！！其實，我地依家甚至出動到麻雀架啦，一邊撲克另一邊就打麻雀，我諗成班都未試過咁齊心呀！！
2. 近期迷上了日本藝能界，首推當然是ｎａｎａ啦，其實一直都有看漫畫的ｎａｎａ，只是當他拍成電影後令我更加瘋狂罷了！中島美嘉點可以咁似ｎａｎａ架，型到咁，就算我係女仔都會被佢迷倒架！另一個就當然係小池徹平啦，係佢做５ｃｍ既ｍｏｄｅｌ既時候，我已經覺得佢好靚仔啦，想不到原來他不但有樣而且又識彈結它又識作曲，點抵擋得住呀？？說真的，追看我ｍｉｓｓ係大佬２都係為左睇小池徹平咋，受不了受不了！！看來真的受到小寶影響了，小寶呀，傳道成功了呢！
3.上星期三的勁歌金曲有林一峰，我竟然唔記得要睇，簡直是不可饒恕呀！其實也不是記不起，只是我７時半才開電視，已經做東張西望喇，或許是因為太久沒有看勁歌金曲；所以根本不記得他何時播映。說真的沒有看林生，我自己也懊惱了很久呢！幸好，原來姨姨屋企可以看到ｎｏｗ．ｃｏｍ，所以我就趁上星期六去她家的時候順道看了一遍有林一峰的部份。雖然一峰一句說話都沒有說，不過光是看到他吹ｆｌｕｔｅ已經夠我開心幾個鐘啦！！
4. 上一次已經講過逢星期二既都市日報有葉志偉的專欄，今次主題是頭髮。在地鐵看到ｂａｒ ｃｏｄｅ頭重出江湖時，我還是引不住很沒儀態的笑出來了，心中不禁又要讚一讚葉志偉的一針見血和串嘴的功力！
5. 今天放學時搭地鐵回家，拿著很重的筆記，又因為真的很熱所以把外套脫了，令到自己好像返大陸一樣兩手都拿著不少東西。但是你要知道，地鐵行走或停低時少不免會有點搖晃，因此我就很想抓住一條扶手以免自己跌倒。可是，我是不成功的，因為有個男人倚靠著那一條扶手，所以根本沒有我ｚ進去的餘地。說真的，如果不是穿著校服我一定會出言諷刺他的，大佬呀，條柱你出重金買左咩，條柱你一個人既咩，係咁累既就坐底囉，企咩姐，企都企得衰過人架！你可能會話可能佢睇唔到我好想抓住條扶手，不過事實係我只係企係佢既左手邊，我相信即使我唔係一位靚女，都無可能睇我唔到。嘩，真係頂唔順呢ｄ人呀，真係好想問一句你識唔識咩叫為人設想，咩叫公德心呀？？
6. 周杰倫終於出碟啦！！！等左勁耐當然無令我地失望啦，保持左佢一貫既水準同埋曲風。我自己最愛既就首推麥芽糖啦，係一首輕快既歌曲，好有簡單愛既影子（簡單愛係周董咁多作品之中我最鍾意既，一直無變過！！）。另一首就係黑色毛衣，同愛情懸崖有ｄｄ似既作品，唔知點解我自己好鍾意周杰倫式唱腔去唱呢ｄ情歌，好似特別入心咁架。至於主打既夜曲當然也是出色之作啦，雖然感覺哀怨但絕不像普遍的慘情歌一般又慢又悶。其實，有很多人批評周杰倫無變化已經很沉悶，聽過《十一月的蕭邦》專輯的你，可是要自打嘴巴呢！！
7. 看完怪誕屍新娘了，畫漂亮的沒話說，情節也平凡的沒話說！我認為屍新娘ｅｍｉｌｙ根本比生勾勾個個更加好更加襯，所以對不起，我討厭這套戲的結局！對於這套戲，如果你想看的是ｔｉｍ ｂｕｒｔｏｎ既怪誕功力，我恐怕你要失望啦，我想你去看他的前作ｃｈａｒｌｉｅ ａｎｄ ｔｈｅ ｃｈｏｃｏｌａｔｅ ｆａｃｔｏｒｙ會更加有驚喜吧！（因為哥哥租了ｖｃｄ回來，所以我一會兒也會再看一次這套戲呢！！）
No comments:
Post a Comment